Crispín d'Olot

As Xornadas Culturais deste curso, inauguránronse cun dos espectáculos que máis éxito acadaron entre os alumnos de toda ESO e Bacharelato: a visita do xograr Crispín d'Olot. Crispín fixo co seu espectáculo "Versos y Bardos" un repaso en tres funcións diferentes a toda a historia da literatura dun xeito lúdico que arrancou constantes aplausos dos espectadores. Coa súa presenza, Crispín encheu o escenario durante dúas horas recitando, cantando e tocando variados instrumentos musicais de aires medievais como a zanfona, a frauta, a guitarra ou o tambor. A traxectoria artística deste xograr é moi longa, aínda que este ano tivo unha especial sona pola súa participación no programa de TVE "Tú sí que vales". A súa actuación supuxo un achegamento excepcional ao mundo da literatura a través dun espectáculo que gozou do recoñocemento unánime por parte de todos os asistentes. Varios alumnos de ESO tiveron o privilexio de facerlle unha pequena enrevista que reproducimos nest...